هله هله قلب المحب صاح...هله هله شعبان الأفراح
اللهم صلي على محمد وآل احمد

يا شهر يالفرحت كل الموالين...احنه مديونين إلك ما نوفي بالدين
صحنه وادموع السعاده اتكحل العين...يا هله ومية هله بميلاد الحسين
هله هله يا أحله مصباح...هله هله شعبان الأفراح
اللهم صلي على محمد وآل احمد

لاحت بعين الليالي دمعة إحساس...والسمه تنثر نجوم امعطره ابياس
رابع ابشعبان قامت تهتف الناس...يا هله ومية هله بميلاد عباس
هله بدر الوفه لاح...هله هله شعبان الأفراح
اللهم صلي على محمد وآل احمد

يا شهر أيام شهرك كلها أعياد...تنضح أفراح وسعاده وخير وامجاد
يوم خامس بيك يصدف أحله ميلاد...يا هله ومية هله يا زين العباد
هله عطر الإبه فاح...هله هله شعبان الأفراح
اللهم صلي على محمد وآل احمد

بداخلي قلعة عشق كل لحظه تكبر...بقلبي آذان الفرح هالليله كبّر
يا خلق يوم اهدعش من حقي أسهر...وصيحتي كل الهله يا علي الأكبر
هله قلبي إلك راح...هله هله شعبان الأفراح
اللهم صلي على محمد وآل احمد

للخمطعش لازم انطي عهدي...انتظر محبوبي وادموعي اعله خدي
أندعي ساعة ظهوره إلنه تبدي...عجل الله فرجك مهدي يمهدي