چف الخير
يا عباس بيك الناس....ترفع راس....مفتخرة
والحاجات مقضيات....والصعبات....متيسرة
بسمك تستجاب الدعوة....وچفك موطن الخيرات
يبن المرتضى الكرار....صوبك تلتفت أنظار
واتناديك ليل انهار....يا بوالغيرة والنوماس
كف الخير يا عباس
ابشخصك تنجمع أسرار....غيرة ومرجلة وإيثار
وبسمك تعزف الأوتار....يابوالغيرة والنوماس
كف الخير يا عباس
هالانغام....يا ضرغام....بالأيام....تتردد
بالألغاز....والإنجاز....والإعجاز....تتفرد
لاقت بس عليك النخوه....وانته اتوزع البسمات
اسمك بالمهج تسبيح....والرايد بعد توضيح
لو طحنة ابشدد شنصيح....شتناديك هاي الناس
كف الخير يا عباس
تحضر أسرع امن الريح....واغيوم الهموم اتزيح
وبسمك يعتلي التصريح....شتناديك هاي الناس
كف الخير يا عباس
نلهج بيك....وانناديك....وانلاقيك....ويانه
بحر الزود....اسمك طود....صار الجود....عنوانه
يلوفيت حق الخوة....وعودك حاضر الشدات
يلخيرك يفيض اسيول....منك كل عقل مذهول
قبل الفم تصيح اعقول....ابفضلك تشهد الانفاس
كف الخير يا عباس
عندك كل طلب مقبول....وبيدك للصعاب احلول
غيم الشدة بيك ايزول....ابفضلك تشهد الانفاس
كف الخير يا عباس
بين انحير....كفك غير....أمر الخير....ما يقبل
انعرفك زين....يا خو احسين....بيك العين....تتكحل
نرفعلك ايدين الرجوة....القبرك صلت النظرات
اتعيش ابحلمك الأحلام....يارافع لوه الإسلام
تدري اشتكتب الأقلام....تاج ويزهي فوق الراس
كف الخير يا عباس
ما تقبل ابد ننضام....ولو ظلمتنه هالايام
فجأة وتصرخ الإلهام....تاج ويزهي فوق الراس
كف الخير يا عباس
محتارين....مذهولين....جتنه امنين....هالفكره
انته السان....للإحسان....والرحمن....بيك أدره
ابغيرك هالعمر ما يسوه....اوضل ما تنقضي الحاجات
يالجفك نهر إحسان....تروي كل قلب عطشان
تنقذ كل محب غرقان....زودك بالكرم مقياس
كف الخير يا عباس
لو جمر الشدد بركان....راحة يمنتك طوفان
بيها تخمد النيران....زودك بالكرم مقياس
كف الخير يا عباس
بدر الليل....عطر الهيل....جودك سيل....يجرفنه
يالنهواك....ما ننساك....والسواك....يعرفنه
فدوه الهالكفوف الحلوة....تستاهل أحر قبلات
