يا مسيح عالمك...لا تعوف مريمك
يا محمد من محمد...يا علي ويشبه علي
يا علي بموقفك چم نبي ينرسم...والخليل جمرته بهالوداع تنفهم
يا قميص يوسفي بكربلاء بيك اشم...موسى چان بالبحر وبضماك ينلچم
بالخيام بسمله...يا يسوع كربله
انوَلد بالطف وانت بالطف...تنقتل يا ضي هلي
عني ليش تبتعد يا ملاك دنيتي...وبأثر خطوتك ظل أثر دمعتي
راح اروح من گلت بيّنَت شيبتي...انحني من الهوه واعثر بخطوتي
ها يروح والدك...دهري ليش يبعدك
علي الاكبر انت اكبر...جرح راح يصير الي
من يغيب كل ولد گلب ابوه ينجرح...گلبي صاح يا علي من تروح انذبح
يا فرات خيمتي عن ابوك لا تشح...عمري ليل ينحسب من تموت يا صبح
روحي بيك هايمه...في امان فاطمه
روحي ديرة حزن بيها...والحزن ما ينجلي
يا علي بصولتك صرت اشوف حيدره...ذو الفقار بالحرب خزرتك تنقره
بين اديك تنطبگ ميمنه بميسره...خلي يوم كربله چنّه يوم الآخره
هذا جيش خيبري...وانت سيف حيدري
والمثيلك يبني لازم...ما يرد سيفه خِلي
راح اجي لمصرعك لو هويت بالحرب...من ظَهَر مُهرتي اوياك اطيح عالترب
من دمه طبرتك شيبتي تنخضُب...راح اشيل چثتك للخيام لو گلب
ليله هاي تنتظر...جيتك عالجمر
الأم يبويه اتموت سكته...من يفارگها الولي
بالرسول تلتقي وترتوي بكوثره...گله راح والدي ينذبح منحره
عمامته تنسلب ينگطع خنصره...والأشد لو خذو عيلته ميسره
يا شبيه للنبي...عمتك تنسبي
شمر يحدي ضعون زينب...وبسياطه تنولي
