سؤالي بيا سبب محروگه بابي...و أنه عيني العلي و عين الحجابي
وسط نارين .. متت مرتين .. سؤالي
أريد أعرف سبب هاي الجريمه...دوافعكم جديده لو قديمه
أنه شسويت واحمل هالظليمه...جنت أم والدي وهسه يتيمه
وحگ رب السمه لولا الوصيّه...و لا كلمة و إن گالوا عليّه
أدير العين .. متت مرتين .. سؤالي
أنه شسويت و الظالم عصرني...دگولوا بيا سبب سبني وسطرني
قبل ضلعي تره الظالم كسرني...علي حاضر الشده وما حضرني
تقيّد بالوصيّه و اني اعذره...و أنه بهالحال وأدعي ربي صبره
يبو الحسنين .. متت مرتين .. سؤالي
صغار القوم يالـ بينه كبرتوا...على اجتاف النبي و حيدر صعدتوا
بنينه امجاد بس انتم هدمتوا...وفينه اشگد وفينه وهم غدرتوا
طبع بيكم أصلكم ناصبيّه...تجازون التسامح بالأذيّه
وفاكم وين .. متت مرتين .. سؤالي
گبل يا بت نبي كسروا ضلعها...جبير الگوم عالحايط دفعها
بلا رأفة صفعها ومن صفعها...تره ونة ابو القاسم سمعها
صحابه و كل بطولتهم عذابي...وأنه المفروض يتقدس ترابي
لهم وجهين .. متت مرتين .. سؤالي
طحت و الباب طاحت من ونيني...و اذا أنادي علي حتماً يجيني
صحت فضه تعالي وساعديني...ضلوعي وعيني والباب وجنيني
اجت فضه واجت زينب وراها...تنادي شمعتي طفوا ضواها
سطرني البين .. متت مرتين .. سؤالي
اجت زينب تناشدني اعله حالي...اخوها والاخو يا ناس غالي
كسر ضلعي خفيته ولا ابالي...أخاف اعليها تعرف بالجرالي
أشوف الباب و أتصور خيمها...مسعرة وتلتفت ما هم زلمها
ولا جفين .. متت مرتين .. سؤالي
يزينب هذا حيدر يمنه حاضر...احفظي ونتج لنهار عاشر
غريبة ميسرة ابين العساكر...وابو اليمه تدگ صدره الحوافر
سهل هذا ييمه المر عليّه...يزينب و الحزن بالغاضريّه
و انه بجرحين .. متت مرتين .. سؤالي
اجاني حسين واني عيوني حمره...يحاجيني وبقت عيني اعله نحره
عفت ضلعي وحسبت ضلوع صدره...تراولي تسحگه خيول عشره
نعم عشره و حوافرهن ثقيلة...ييمه قصة مصابك طويلة
ييمه حسين .. متت مرتين .. سؤالي
