عمري إنطوه...و ابلا ضوه
امسه بغياب ام الحسن داري
و بدنيتي...يا وحشتي
اجبر مصابي بمدمعي الجاري
ماتت احلامي...ظلمه ايامي
طفه الموت شمس عمري بألف حيف اودعها
والعيون جمر هلت عالخدود مدامعها
و الأقدار امر حتمي بالأخلاص اطاوعها
للگبور شلت روحي بجنح ليل اشيعها
و اتحيرت...لمن رحت
ادفن بديه زهرة سنيني
صرحي انهدم...صحت ابألم
يا فاطمه عن صبري عذريني
هاجت الآمي...ظلمه ايامي
يأذاون رسول الله اليريدون أذييتها
و ينالون رضا الباري اليقدسون ثنيتها
اشد يوم كسر گلبي خبر يوم منيتها
ابصبر جان امر و اصعب تلقيت وصيتها
اكتم امر...و اخفي الگبر
عند الغُسل لتجرد اثيابه
يا حيدره...لو تنظره
يجرح ضميرك يا علي صوابي
و الگلب دامي...وظلمه ايامي
من الناس منو مثلي على الصار صبر عدها
يعصرون شمس بيتي علي تصيح و اشاهدها
و انه شلون صبر عندي عالتراب اوسدها
صحت گوم تلگاها اجت ليك يوالدها
من الاثر...اخذ الخبر
عصرة حقد يالهادي عصروها
كسر الضلع...وتهل دمع
عين الذي بالسطرة طفوها
و اهوت اجدامي...وظلمه ايامي
اسمعت صوت و انه ادفنها بألم جان و اظن حنت
يبو حسين تره زينب يتيمه خوفي لا فزت
يزهراء صحت ريتج تشوفين خيم شبت
و الأيتام على البيده من الخيل لمن هجت
يم الحسن...نار الفتن
اهل السقيفة بيوم شبوها
و الكربله...للعايله
يوصل لهبها النار رادوها
حرگت اخيامي...وظلمه ايامي
و الفراگ كسر خاطر فلا يوم على بالي
يزهراء صحت بعدج بگه البيت وحش خالي
و انه شلون اصد بابه من الباب سگم حالي
و صدى الآه من الزهره اوصيك على اطفالي
حكم القدر...و ظلم الدهر
واحد بعد واحد منايانه
و المفخره...بالآخره
اشرينه الكرامه و بعنه دنيانه
مبدأ ايماني...وظلمه ايامي
يهالناس كسر گلبي اعله هالحال صعب جبره
و الغروب يذكرني عالمصاب اجر حسره
المسه يلوح و انه اولادي يحنون على الزهره
يسألون و انه المثلي يگولون صعب عذره
و اتعذرت...واني شفت
بنت النبي جدامي ضربوها
لو ما أمر...احمل صبر
داري الاعادي شلون وصلوها
بيدي صمصامي...وظلمه ايامي
يهالباب جرح يومك نزف ثارك يظل نزفه
الى حين يجي الغايب بالگلوب فلا يشفه
و لا حيف بعد ينفع و لا آه و لا وسفه
الك نار تشب بينه بالدموع فلا تطفه
ما تنطفي...ولا تكتفي
من البجي والنوح عالبضعه
والمنتظر...راعي الفخر
يمته ينادي الثار و نسمعه
امجرب اقدامي...وظلمه ايامي
