گوم ابـعـجل سند لخوك ابعجل يحسين ... و الله گطع گلبي هالمسجي  بالونين يـحسين لا تغفل تره امسافر عضيدك ... جني أشوفه ابها المرض رايح امن  ايدك كـثـر  الـبجه و النوح بعده ما يفيدك ... بطل الونه و ظل علينه ايدير بالعين خـويـه  عـلـه إفـراق العضيد الله يعينك ... هذا يوالينه اشمالك مع  يمينك قـوم الأعـادي فـرقـوا بـينه و بينك ... نالوا مطالبهم و صاروا  مصمئنين مـن  هـالمرض يابو علي ما ظني ايقوم ... جبده تراهي اتفطرة من حر  لسموم جـرب  يخويه  و شوف أخوك امفارق النوم ... ما ظنتي ايتمم نهاره إبن  الميامين قـام  الـشـهـيد و عبرته ابخده جريه ... و عاين عضيده ايطوح الونه  خفيه قـلـه يـبـو امحمد يخويه اقطعت بيه ... فتح اعيونه و سال دمعه عله  الخدين قـلـه يـبو السجاد لا تبجي و لا اتنوح ... آنه علم عزه أعالج طلعت  الروح و انت تظل ابكربله عريان مطروح ... مرضوض صدرك بالثره و مقطوع  ليدين أوصـيـك يبن أمي عقب عيني بهاالعيال ... ليكون تتشتت يبو سكنه  هالطفال يحفظكم الله من صروف الدهر لو مال ... و اصبر عقب عيني على جور الملاعين