بـالـخـيـام الـعـائله إيشوفوها...وين تصبح لمن إيعوفوها مـا يـظـل ويـه الـحـرم ...واحـد إيـحـامـي الخيم ويــن تــصــبــح لــمــن إيــعـوفـوهـا غـدت تـتـسـائـل إعـيـال حـسـين أهلنه  إيودعونه يـخـبـرونـه الـحـرب بـاجـر ويـن بـاجـر يخلونه بـيـد نـاس الـلـي إجـونـه إيـسـلـبـونه لو  ولونه و  مـن يـظـل عـنـه يـدافـع لـو إجـونـه إيسلبونه لـو فـارقـوا حـد الـخـيـم ...و العسكر إعلينه  هجم مـن يـرحـم إبـحـال الـحـرم ...مـن خيمنه إيطلعونه كـل خـيـمنه باجر إيحرقوها ...و لعد كل إمخدره  إيسلبوها بـالـخـيـم صـار الـنـهـب ...بـالـحر صار السلب ويــن تــصــبــح لــمــن إيــعـوفـوهـا الأهـل  مـوجـوديـن  عـنـدنـه إسيوفهم تحرس  خيمنه و الـعـده قـطـعـوا الـمـاي إعـلـيـنه يومين إنحرمنه أمـس  و الـيـوم إبـعـطـشـنـه و بـسـهرنه و بألمنه إعـلـه هـالـحـالـه صـابـريـن بـالـخيام اللي تلمنه و كـل مـا نـعـايـن لـلأهـل ...يتخفف إعلينه  الوجل و  إنـعـيـش  قـمـنـه بالأمل ...الأهل لو سلموا سلمنه الأهـل بـاجر للحرب يردوها ...و الأرواح الطيبه  إيضحوها تـجـي و تـولـيـنـه الـعـده ...إشـعدنه عز  إتفرهده ويــن تــصــبــح لــمــن إيــعـوفـوهـا حـسـيـن قـال الـحـرب بـاجـر قـرر الليله  مصيره و  قـال  مـو لـلـحـرب رايـد رادتـه النفوس  الشَريره خـيّـروه إبـيـن هـجـمـة لـيـل و الـهجمه  خطيره لـو يـجـي إيـبـايـع يـصـافـح إيـد مذمومه  حقيره و حـسـيـن مـا يـقـبل يذل ...و لا يخضع الأمر  النذل قـرر  يـحـارب يـنـجـتـل ...و لا يـبيع إلهم  ضميره إبـهـالـضـمير  الذله ما يلقوها ...تظل عدهم عائله  يولوها لا  نـصـيـر و لا أخـو ...تـصـبـح بـإيـد  الـعدو ويــن تــصــبــح لــمــن إيــعـوفـوهـا إعـيـال الـحـسـيـن إعـلـه هذا الحال مرتبكه إبخطرها و  شـنـيـم إعـيـون هـاي الـعـائـله إتظل  إبسهرها غـدت  كـل وحـده و تـروح الـواحـد و تشبح نظرها إتـقـلـه شـنـهـي الـراي هـاي العائله إشيصبح أمرها و زيـنـب الـكـبـره إتـحيرت ...بالمعركه امن إستخبرت و بـظـلـمـة الـلـيـل و سرت ...راحت الخيمة  قمرها إشـقـلـت هاي العائله الجبتوها ...إبكربله إبلا والي  إتخلوها هـجـي  مـا جـان الأمـل ...إشـفـكـروا بيها  الأهل ويــن تــصــبــح لــمــن إيــعـوفـوهـا جـنـت  يـم حـسين أخوي إحجيت له إشما عندي من  هم لا  أمـل  ظـل عـنـدي مـنـكم و لا بطل منكم  اليسلم قـال كـل إحـنـه ضـحـايـه و بـحـربنه ينزف  الدم لا  أخـو و لا إبـن يـبـقـه و لا نـصـيـر ولا إبن  عم إيـظـل  هـالـعـليل و هالشبل ...حافظي إعليه لا  ينجتل بـاجـر إعـيـالـي تـنـدهـل ...الـخيل توصل للمخيم حـامـي  عن أطفالي ليسحقوها ...و رقبة الوجعان  ليقطعوها عـنـدهـا  جـم طـفـلـه و طفل ...و العيال  إبهالشكل ويــن تــصــبــح لــمــن إيــعـوفـوهـا ظـلـت إعـيـال الـحـسـين إتعيف خيمه و تجي  الخيمه وحـده تـقـعـد يـم أبـوهـا إتـقـلـه راح أبقه يتيمه ووحـده  يـم عـمـهـا تـقـلـها إتعيفنه إبوحشة  الهيمه ووحـده تـقـصـد يـم إبـنـهـا إتقله يبني  إشهالهضيمه ربـيـتـك  إبـسـهـر  و دمـع ...و باجر رقبتك  تنقطع و آنـه أصـيـر إبـيـا وضـع ...إبـولـية إنفوس اللئيمه عـقب  ما بيك العده ايفجعوها ...إيسلبوها و من بعد  يسبوها إنـت  مـن عـنـدي رحـت ...عـقـبـك آنه  إتسلبت ويــن تــصــبــح لــمــن إيــعـوفـوهـا وحـده تـحـجـي يـم أخـوهـا إتـقله يا حامي الضعينه بـاجـر إتـروح الـكـفـالـه و بـسـلـبـنـه  تخلينه تـحـجـي ويـه الإخـو الـلـيـله و باجر إيطفون  عينه بـيـدهـا  لـزمـت يـمـيـنـه و تـنـقطع باجر  يمينه و  بـهـامـتـه قـامـت تـشـم ...و باجر الهامه  تنهشم إبـخـيـمـتـه  الـلـيـلـه مبتسم ...باجر العباس  وينه هـاي  عـينه بالسهم يطفوها ...و هامته إبعامودها  إيهشموها هـذا  والـي الـعـائـلـه ...يـظـل جـثـه  إبـكربله ويــن تــصــبــح لــمــن إيــعـوفـوهـا و أم الأكـبـر يـم الأكـبـر عـيـنـهـا إبـلهفه تنظره اتـودعـه  و يـودع امـه و تـنـظـر الـهـامته و  نحره حـسـيـن قـال إلـهـا تـصـيـر إبـهامته باجر الطبره حـسـيـن  قـال الـنـحـر يـنقص قامت إتقبله  إبنحره هـالـلـيـلـه شـبـحت له النظر ...تنظر الهامه و  النحر و بـاجـر يـجـي لـيـهـا وذر ...و جثة القاسم  إبكتره ذاك روحه امن العرس حرموها ...و هذا مثله و أمه بيه فجعوها لـمـن إيـصـيـر الـصـبـح ...إتصير كل وحده إبجرح ويــن تــصــبــح لــمــن إيــعـوفـوهـا