يا      ثار      الله      ...يا     ثار     الله     ...يا     ثار      الله حبك  إعله  الناس  لا  بد  ينعرض...و  اليرفضك هو باجر  ينرفض إنت   ثار   الله   يالثارك   فرض...تعتلي  صيحات  يا  ثار   الحسين إشما أوصفك سيدي إبوصفك أهيم...فاقد الجلمات و إتوصفك يتيم كافي لو أوصف ضريحك بالعظيم...و إرتبط معنه الخلد بإسم  الحسين نرفع  الرايات  و  بإسمك  شعار...يا  حسين  إعليك  صار  الإختيار غيّرت   مفهوم   جلمة   إنتصار...إنتصارك  صار  دمك  يا   حسين كلمن إيضدك يشوف إسمك سراب...و اليحبك ما يمر لحظه  إبعذاب و بخلودك خلّدت حته التراب...صرنه نسجد بس عله إتراب  الحسين إن  وحدك  ضد  عذابات  الدهر...بس وجودك صار رحمه  الهالبشر جسمك   المجروح   للعالم   صور...لونتها   إبفيض  دمك  يا  حسين يالجراحاتك   بعدهن   سايلات...تكتب   إبدمك   قواميس   الحياة إنت  يا  أوسع  سفينه  للنجاة...تبحر  إعله  إدموعنه نصرخ  حسين