يمنكر   ما   أرد   اجواب   تانيني...أنا   شيعي   و   أتاني  حسين   يلفيني السؤالك  ما  أجاوب و أنتظر مولاي...بجيت اعليه يا ما و أدري بيه  وفاي خلص   عمري   المصابه  دمعتي  بعيناي...عله  مجره  الدمع  لابد   يجازيني افهمني  يمنكر  و  اسمع  الكلمه...ما  أخاف  القبر  و  الضيج  و   الظلمه أنا   امبايع   إمامي  و  شيمته  الرحمه...و  أعرفه  زين  وحدي  ما  يخليني المثلي    لا    تظنه   ينترك   وحده...لأن   الحسين   قلبي   يلهج    ابوده اشتظن   حسين   هم  يتركني  بالشده...و  حقك  لابد  ابجيته  تقر   عيني إذا   بعدك   يمنكر   تجهل   السري...شيل   الجفن   عني  تعرف   القدري طبعات   اللطم   تلقيهن   ابصدري...المصاب  حسين  خلت  أثر   جفيني اشما  عند  اسم  ماريده  يا  منكر...اسم  واحد  اليه  و  حقي  بيه   أفخر و   الإسم   اللي   عندك   خله   يتغير...أنا  الخادم  لبو  السجاد   سمّيني تراني   ابخدمته   كل  عمري  قضيته...ونين  الفاجده  اعله  امصابه   ونيته مثل   هاليوم   يحضرني   تمنيته...هلاكي   ابلايه   جيت   حسين    تدريني الصحيفه   أعترف   لو   دورت  بيها...الزغيره  و  الجبيره  أدري   حاصيها عندي  اذنوب  كثره  اهناك  تلقيها...و  غير  حسين  من عدها  اشينجيني لون   وصلوا   القبري   و   نزلوا   اعتابه...لتلقاهم   و   دمعاتي    سجابه و أصيح ابصوت آه يحسين و امصابه...و أخلي الموته كلها اتون عله اونيني