نتعنه      زوار...يا      صاحب       الثار مشايه  نوصل  كربله...و نسحق عله  النار يا  ساعه  تظهر  سيدي  و إتشوفك  العين مشايه    تمشي    الكربله    ويانه    لحسين مشتاقه   يبن   العسكري   إقلوب   المحبين و   بدربك  الآخر  نفس  يالمهدي   ماشين رغم      الصعوبات...نقطع       مسافات و يمك إسمنه إنسجله...و نسحق عله  النار يا  رايه  تشبه  رايتك  يا  راعي   الإحساس هالرايه    فوق   العلقمي   خلاها    عباس غيرة   محمد   غيرتك   و   إتعرفك   الناس بدمانه   جينه   إنعاهدك  يا  رفعت  الراس للآخر     إوياك...نمشي    إويه     ممشاك نهتف  يبن  سيد المله...و نسحق عله  النار أهل   الملامه   و   الحقد   خلهم   يلومون تبقه   يمهدي   صورتك   ما   بين   العيون شيعه   نظل  يبن  الحسن  و  بحبنه   يدرون علمنه   الأطفال   إبشغف   ويانه   يمشون رايتنه      يا      ناس...رافعها       عباس نتعنه  راعي  المرجله...و  نسحق عله  النار كل  خطوه نمشي إبكربله نكتب عله  القاع ثابت   أجرنه  و  للأبد  هالأجر  ما   ضاع متهمنه   أمواج   الفتن   و  المهدي   إشراع يا  سيدي  و  بيك أعتقد من حيدر  أطباع ساكن     بالقلوب...يا     أغله     محبوب صوت  الملايين إعتله...و نسحق عله  النار تسكن  مهجنه  كربله  ذوله  إحنه   عشاق لحسين   إبن   حامي   كل  لحظه   نشتاق خدامه  إحنه  و  شيعته  و ما نحمل  إفراق و  إعلينه  من  يوم  المهد  ثوب الحزن لاق نرفع        شعارات...للذله        هيهات مهدينه حادي القافله...و نسحق عله النار يالعايش   إبوسط  النبض  يالشوفتك   عيد عمك  بقه  إعله  المشرعه  ينتظرك   إوحيد ثارات   تطلب   للسبط  من  عندك  إنريد يا   يوم   توصل   كربله  و  إتحاكم   إيزيد وياك    للموت...نهتف    لك     إبصوت دمنه  الطغاة  إتحلله...و  نسحق عله  النار