يا  غريب  أتوسلك  ما  عندي  راي...و  آنا  من  غيرك  حياتي   امبعثره أرد    أحلفك    بالجفوف    بحق    أخوك...سيدي   لتعوفني    بالآخره باجر  ابقبري  و  تحط  يمي  الذنوب...تنعرض  لي  أيامي و ارجع لي  وره و  منكر ايقل النكير اشعنده هذا...الصفحة سوده و ما قريت اللي  جره قله  كل  أعماله  سوده  امصخمات...و  يا سواد الوجه و المخفي  انقره و شهدت اعيوني و نطق حته اللسان...و قلي عاليسره انتظر و إلزم سَره طاحت  ادموعي  و  قرت آه يا حسين...و قامت ادموعي اتوسد حيدره و  قلي  ملك  النار  تبجي امن العذاب...من شفت نار العذاب  اموجره قلت  لا  أبجي  اعله  زينب  و الطفوف...اشلون نار ابخيمتج و انتي  مره و  جنه  صوت  امن  السمه يصرخ حسين...انت يا شيعي نلت  هالمغفره آنا  أمه  الزهره  و  أشفع  لك  أكيد...و  الذكر  لي  حسين آنا  الأذكره