يا ابوفاضل يا بعد عيني...من رحت عني ضاعت سنيني
كوم للخيمه ورد يخوية وياي... تريدك ايتامي وماتريد الماي
جالسه تنطر رجعت السقاي... رد كلب زينب يا امل دنياي
هذي عدواني تشمتت فيني...من رحت عني ضاعت سنيني
**
شفت انا بعيني للحرم لمه...وكل رضيع ينوح امه تشمه
تهزة وتناغي وبسمك تعلمه...تكله ابو فاضل راح يجيبلنه
وطفلي عبدالله حاله يشجيني...من رحت عني ضاعت سنيني
***
كل شهيد يطيح عالثرة مترب...يجي النبي وحيدر يمه يتكرب
ماي يشربونه ولالتتعجب...انا بس جوني مارضيت اشرب
ما اريد الماي لا لتسكوني...من رحت عني ضاعت سنيني
****
كله ياخوية الهون مصابي...شوفه الزهرة واهلي واحبابي
جالسه الزهراء تضمد صوابي...تكلي يوليدي اعذر عتابي
من اله زينب ومن اله حسيني...من رحت عني ضاعت سنيني