الله وأكبر ياآل عمر العله --- لليوم تنعاكم بـگت كربله
......................
يكرام ماينقبل منكم عذر --- حتى تلوحون الرمك والبتر
تتـگلدوها اوتشرعون السمر --- واجيوشكم تترس افجوج الفله
.......................
العذر ماينقبل منكم بعد --- تنسون هاي المامثلها انوجد
ماواحد المنكم نهض واستعد --- للثار يهل الزود والمرجله
......................
ذكروا العميد الوگف بين النصب --- ماإله امعين اويبس منّه الـگلب
ابعين ضل يرعه لعند الحرب --- وابعين يرعه امخدراته اوهله
....................
لن زينب اتنادي ابن سيد الرسل --- يحسين خويه والمدامع تهل
عاين يباجي اهلي الحال الطفل --- ماشرب للماي اليوم ثالث إله
.....................

شاله الحسين اودمع عينه ايهلي --- اوللـگوم ناداهم أنه المبتلي
إچتلتوا اصحابي وخوتي اوهلي --- ظل هذا طفلي إنطوا شرب ماي إله
..........................
الجيش نصين انعزل وانجسم --- نص لام نص آل اميه شتم
بن سعد صاح الجيش چنّه انعدم --- إگطع نزاع الـﮕوم ياحرمله
..........................
بالـﮕوز حكّم حرمله نبلته --- اويرمي العبدالله صفت نيته
عاينه اوشافه امبينه رگبته --- ارما وأجتّه النبله امعادله
.....................
الطفل من صابه ابوريده السهم --- طلّع من اگماطه اديه اولزم
عوده اوعلى صدره يرف چالعلم --- ناده ابو يبني إشذنب عامله
.........................
يبني إشيـگلّه الجدك الصوبك --- يبني اومن شرب الزلال احرمك
يبني يعبدالله ابسهمه افطمك --- يادين غادر يبني عندك إله
........................
شايله حسين اودمع عينه انسجم --- إتـﮕول هذا البدر شايل نجم
واتعاين الرگبه لعند السهم --- چل الطوگ من عسجد الجيده حله
.......................
شايله حسين ابي سدر للخييم --- واتلـگته اسكينه اوگلبها انعدم
صاحت اخويه امطوگينه ابسهم --- مذبوح ياخويه ابعيد البله
.......................
بالخييم سوّن حنّه اعله الطفل --- والدمع ليلو اعله الخدود ايهمل
خلصت يهاشم بالمعاره چتل --- اولا ضل حريب اليحمي للعايله