أضف الموضوع
الشاعر المرحوم الشيخ كاظم منظور الكربلائي
04/09/2019م - 11:11 م | عدد القراء: 959
 كاظم منظور الكربلائي
هاك إخذ يبني السيف(1)
«دارمي»
هاك إخذ يبني السيف...والعرس خله
ماهو محله
عمّك وحيد اليوم...بالغاضريه
* * *
هلهلت للعريس رمله إو تشجعه
لاچن إبدمع العين زردت درعه
سلمت سيف الموت بيده إو تودعه
إتحبـه وتشمه...وصته إبعمه
وإعله المهر مشدود...سرج المنيه
* * *
هاها شدد عالخيل وحرب يا ميمار
هاها دلوح إمتون ظهر المسفسر
هاها دخذلك شوط من وطر حيدر
هاها ينـوماس...ها ها يفراس
هاها دنت للروس للبرّ حبيّه
* * *
هاها يصـل الصيف يالرادي بالسم
ها ها يحربة گوس يمفجر الدم
هاها يهبت الريح يا منفس الهم
هاها يرجـواي...هاها ينخواي
هاها وريد اليوم نخوه إعربيه
* * *
ها يبنـي ها يالبيك فرحت دليلي
ها يبني ها يالشاد همتّي وحيلي
ها يبني ها يالراد وحشتي إبليلي
ها ها يانبراس...يامعصب الراس
يا كـاسر إلبصيف يحميني فيّه
* * *
ها يبنـي ها يا موح عيني أونظرها
ها يبني ها يا روح روحي إو ثمرها
ها يبني ها ميروح لأمك أجرها
مأجـوره برباك...روحي إنشغ إهواك
إبروض الشهاده نام نومه هنيه
* * *
يا مريّع الدلال يا بارد الماي
يا جمرة الأحكام يا إمنزّع الداي
يا إمبيّض التاريخ للگالت إضناي
يا شفرة الحد...يا ساعد إليد
يالتنگل الملزوم فوگ السريه
* * *
يالمرتعك بچلاي يـوم الوضعتك
إبروحي ونمير إحشاي يبني رضعتك
يبني ألأمل وأرجاي بيك وذخرتك
وأنظر إعلومك...وأترجه يومك
وأهل السمه إيقدسوه وأهل الوطيه
* * *
يبني إبربايه إعليك وإبدُر ثداياي
إسمعني أرد أُوصيك وإحفظ وصايـاي
أمل بالله وبيك متضيع إرباي
والولد شـانه...حفظ ألأمانه
(وبالدم يكـون إيصير حفظ الوصيه)( 1)
* * *
بولدچ شتظنين يالتوصيني
حگ مرضعي وإربـاچ حافظه إبعيني
وألله لگر عيناچ وإتشاهديني
لو كبّر الويـد...لو شبچت الميد
(لازم أضحي الروح لبن الزچيه)( 2)
* * *
(1) هذا البيت غير موجود وهو من نظمنا.
(2) هذا البيت أيضا غير موجود وهو من نظمنا.
|
