(زینب الحوراء وانصار الحسین)
زینب طبت اعلى احسين تمشي اوتعثر ابهمها
تگله اتحارب العدوان نيتك لو تسالمها ؟
يخويه احسين سولفلي شنهي نيتك اویه اعداك
تسالها أوتمد ايدك لويعلگ حربها اوياك
اشوفن جيشها جرار والرايات ما تخفاك
تجري مثل مجره السيل *جدام الزلم والخيل * يبن امي حملها اثگیل
واشوف المشرعه يحسين لزمت کل ملازمها
وانصارك واهل بيتك جليلة عدد یا مظلوم
چنهم بالمثل يحسين نگطه ابَّحر هاي الگوم
وخافن تزحف الرايات وعلیکم تگوم اتحوم
شنهي اويه العده نيتك * تحاربهم بهل بيتك * تراني امن الوجل جيتك
اوخواتك خايفه والخوف طيب النوم حارمها
لمن سمع حچي اخته يبت الفحل ناداها
اشلون اخضع وامد ايدي اوروحي الضيم يعلاها
غير الحرب ما عندي اوحي الله ابمناياها
نيتي يبت حيدر هاي * اجيم الحرب ويه اعداي * عمامي واخوتي وياي
تجاهد دون دين الله او تطلب ثار (مسلمها)
گالتله ينور العين وانصارك بخویه اشلون
هم اعرفت نيتهم لو صار الزحف بالكون
اخاف ابساعة الشدة يا مظلوم بيك اتخون
وانته اعلم يبو السجاد * مرَّ الموت ما ينراد * وهم عدهم حرم وولاد
وخافن من تشوف الموت ما تقبل تیتمها
گاللها اخطبت بيهم بس حطيت بضعوني
والهم رخصت يختي اوما قبلوا يعيوفني
لجلي عافوا الدنيه اونيتهم يواسوني
وانصاري ينور العين * اهل دین اوِّفه اوطيبين * دوني اودون هذا الدين
تود - اعداي - الف مره تحييها اوتخذمها
(هلال) ابّاب خيمتهم موچب للحچي يسمع
گصد خيمة حبیب الليث لاچن ناظره يدمع
سولفله ابحچی زینب اوگله بعد ما تهجع
لاچن يا حبيب الحين * اخذ اصحابك الطيبين * واتعنه الخوات احسين
تچنه ابَّاب خيمتهن اوسر زینب اوشيمها
طلع من خيمته اوناده يليوث الحرب یگروم
طلعت من منازلها اوشيال العلم جيدوم
يصيح آنه الفحل عودي ضاخرني المثل هاليوم
بيده امجرد البتار ينادي يا حبيب اشصار * گله يبن حامي الجار
گصدت ابصيحتي اصحابي اوردوا انتم يهاشمها
أخذها لبو اليمه اوگام يحدي ابَّين المخيم
لمَّن وصل صيوانه ابَّابه أوجب اوسلم
طلع ليهم امن الخيمه وهو ابنياتهم يعلم
لمن شافت المظلوم * مها موچب اومهموم گالتله المثل هاليوم
ضخرنا لك صوارمنه اوسلت كل صوارمها
تهمك هالزلم والخيل او هاي اسيوف خدامك
او هاي ارواحنه يحسين تهوه الموت جدامك
خل (تمِّن) يبو اسکینه ودايعكم البخيامك
ياهو اليوصل الحدها * اوفرسان الحرب عدها لجل زينب وحگ جدها
وادي کربلا انخلیه سیل اویکت من دمها
طلعت زینب او نادت اومن عدها الدمع سچاب
ياهي آنه تعرفوني يفرسان الحرب يطياب
آنه (الطاهره) أمي وبوي الفحل داحي الباب
ماني امعلمه اعلى الذل اولاني للهظيمه احمل خواتي اللي دمعها ايهل
تراهي ابذمة الباري او ذممكم يا ضياغمها
