قـصيـــــــدة : يحســـــين ياوالينــــه - كعـدية
يحسين يا والينه...الفساد زحفت لينه
لو بعدك يا مظلوم...حي اتحامينه اليوم
-------------------------------
شاطت والله يعلم شاطت بيا حال زينب
للحرب وأيتام تصرخ بين ايديها وحرم تنحب
شاطت وعافت وراها خيم بالنيران تلهب
نيران تلهب بالخيم...وبالخيم أطفال وحرم
وجيش العده اعليها هجم...هذا يحرگ ذاك ينهب
وحسين شابح عينه...امن ابعيد لصواوينه
وكل سا ينهض ويطيح...وزينب تنخاه وتصيح
يحسين يا والينه
حسين متحير بروحه ينازع بسهم البلجبده
وزينب المظلومه كل سا واحد من العده اتنشده
وين أخويه حسين واقع مات يو لا عدل بعده
واردود تركض للحرب...لحسين والمدمع يصب
ويتضيع اعليها الدرب...وبعد ما تگدر تگصده
واحسين خافي اونينه...عالگاع وامصوبينه
وزينب من غير أفكار...واتصيح النار النار
يحسين يا والينه
ناس تحرگ ناس تنهب ناس تسحگ عليتامه
وابو اليمه جسمه ماينعرف من كثرة اسهامهه
وزينب امحيرة متدري اتروح لو تحرس اخيامه
وتاليهه بت حامي الحمه...گامت ابلهفه اتحشمه
اهنا يمن سابح بلدمه...اهنا يبو روح الشهامه
يحسين جسمك وينه...منحال بيني وبينه
ياخوية ارد اوصل ليك...واعرف شنو الماذيك
يحسين يا والينه
ياحسين اشبعد عندي أخوه من أهل الحميه
اسبعطعش أولاد ابوي امذبحه فوگ الوطيه
وچان بيك الامل خويه اوانته هم رحت امن اديه
بيمن بعد عندي أمل...بيا أخوه ضل ويا أهل
سبعين ريسان انجتنل...سور چانوا للثنيه
سبعين كلهم عينه...وضليت وحدي احزينه
لاأخوة ولاوليان...بس أعيال ورضعان
يحسين يا والينه
مهرك بهل حين اجاني وأوچب امگابل الخيمة
يصهل وچن ابصهليه ايگول اه وياهضيمه
مابگه بهل الخيم من الزلم واحد بيه شيمه
ناديته ها يلمهر...چاوين والينه الذخر
شوف بهل خيام اشكثر...چم يتيم وچم يتيمه
أطفال وميتمينه...وأعيال ومسلبينه
وين احسين المظلوم...طاح امگطعينه الگوم
يحسين يا والينه
وصارت أطفاك يخوية والحرم علمهر داره
وغدت تتصارخ اگبله وتلطم وگلهه حياره
ونادته والينه وين واهو يؤم عله المعاره
وتاليهه دگ راسه وكع...عل الگاع ميت وانصرع
والعسكر علينه فزع...وبلخيم وچرت ناره
يحسين واحنه ابگينه...واعداك داره علينه
وگاموا ناس ينهبون...خوية وناس ايحرگون
يحسين يا والينه
نار تتوجر علينه وسلب يبن أمي ونهيبه
هاي طفله النار إجتها وهاي مذعوره وسليبه
وطفل هذا وراح مني وين ألقاه وأجيبه
حته العدو دمعه جره...الحالك وحالي اعله الجره
يقول الغريب اعله الثره...وأخته مهضومه وغريبه
يحسين من إيدينه...امن اتروح واتخلينه
يا هو اليرحمنه اخلاف...عينك وتدري انخاف
يا حسين يا والينه
وانته فوق الثره بين اعداك يامظلوم نايم
وجسمك مخذم يخوية ابسمر وأسهام وصوارم
وانه مظلومة وغريبة وحايرية ابجمع الفواطم
والحرم هاذي هايمه...وياهه طفلة اميتمه
وهذا طفل من الضمه...والرعب يحسين هايم
عطشان ومروعينه...اشمطلوب ومضيعينه
هو ايتيم ابهل الحال...ويسحگ فوگه الخيال
يحسين يا والينه
آمر وقول اعله رايك يالولي اشتآمر عليه
اتريد يعيوني تقلي وين مرمي اعله الوطيه
وليك أجي وانطيك دمعي وترتوي قبل المنيه
لو أظل أحرس عيلتك...وانت اعله هذي حالتك
اتنازع تظل برويحتك...اشلون بيك اشلون بيه
محيرين خويه وجينه...ننخاك متحامينه
زينب آنا وأطفال...بيدي وجدامي اعيال
يحسين يا والينه
من گثر ما تاه فكري وهرش قلبي گام يذبل
اشبچت عشراي عله راسي واصعدت يحسين عل التل
وگمت اعاين يمنه يسره وحايره وادموعي تنهل
ارد اعرف عليك اشجره...بيا كتر نايم عل الثره
وماادري وانه امحيره...عليك يحسين المن اسئل
عدوان حاطت بينه...وعليك شيدلينه
منهم گالوا بيه روح...منهم گالوا مذبوح
يحسين ياوالينه
---------------------------------------------------
(لطم)
ياحسين اشلون بينه اتعوفنه بهاي المصيبه
بلفله امضيعه اليتامه والحرم گلهه سليبه
والخيم گلهه يخويه بنار عدوانك لهيبه
ولاعدنه والي ولاذخر...ولاعدنه والي ولاذخر
ولابعد نتحمل صبر...ولاعدنه والي ولاذخر
وساعة ويودونه يسر...ولاعدنه والي ولاذخر
شيمتك ما اظن ترضه اتعوفنه بلطف وحدنه
انروح للكوفه يساره لو نروح الوطن جدنه
ان چان نمشي الوطن جدنه بلضعن ياهو اليردنه
وحامي الضعن عل المشرعة...وحامي الضعن عل المشرعة
ايمينه ويساره امگطعه...وحامي الضعن عل المشرعة
واحنه حرم ومضيعه...وحامي الضعن عل المشرعة
لاتخلينه اعله هذا الحال ياعزنه ولينه
-----------------
