الشاعر المرحوم الشيخ كاظم منظور الكربلائي - 30/05/2009م - 5:29 م | عدد القراء: 3124
لـلإيـمـان يـرشـدنـه ....... وغـايـة گصـدنـه
دار الـحـمـه ومـأوانـه ...... بـالآخـره ودنـيـانه
وغـيـر حـسـيـن مـا عـدنـه .... وغـاية گصدنه
خدمة حسين امأسسه معهد ودين وشرعه ...... ومصدر بيانه
والـيدرس بهالمدرسه يختم أصول وفرعه ...... ويحفظ كيانه
وهـذا الـشعار نقدسه بگلوبنه منطبعه ...... حروف الديانه
تـزهـي بـنـور خـدمـتـنـه ....... والـنـجحتنه
بـهـالـمـدرسـه الـديـنـيـه .... وعـلومها القدسيه
وحـب حـسـيـن مـعـهـدنـه... وغـايـة گصدنه
خدمة حسين من الشرف وبخدمته تشرفنه ...... والحب علامه
والـمـسـلم بهاي انعرف وبسلامنه تعرفنه .... بهاي الخدامه
يـسـهل علينه اللي كلف والمنفرض كلفنه ... طوع الإمامه
والــمـطـلـوب والـغـايـة .... حـب الـولايـة
وحـب الـولايـة تـفـجـر .... وشـربـنه من الكوثر
والـتـوفـيـق سـاعـدنـه ... وغـايـة گصـدنـه
خـدمة حسين الخالده والخلد منها وبيها ..... وإحنه الحظينه
بفتح القريب مأيده وثوب النصر چاسيها ..... وإحنه إنچسيها
وإحنه المشينه على الهدى والخدمته نأديها ...... وحگ العلينه
ويـه حـسـيـن تـاجـرنـه .... والـربـح سـرنـه
والـربـح مـن مـعـبـوده.... لـحـسين واحنه جنوده
والــعــبـاس قـائـدنـه .... وغـايـة گصـدنـه |
