بـعـيـده  شـوفتك  صارت بعيده ...و لا تصبر عله إفراقك  حميده رحــت  عــنــهــا...كــثـر  ونـهـا...يـوالـدهـا يـمسلم  كل طفل من تدمع إعيونه ...يمسحون الدمع أهله و  يسكتونه إلـك  طـفـله بقت بالغربه محزونه...ولا تدري إبحبل جسمك  يجرونه حـسافه  اللي مثل شخصك يغدرونه ...غريبه و لا إجو هاشم  يدفنونه حـسـافـه مـا إجو هاشم حسافه ...و أبد ما تصعب إعليهم مسافه بــقــت  عِــلـه  ...دمـع طـفـلـه...جـرح خـدهـا رحــت  عــنــهــا...كــثـر  ونـهـا...يـوالـدهـا بـقـت  تنظر  طريقك و الحزن جمره ...بعد ما ظن أشوفك يالأبو  مره ترد  يم الخيم مهضومه منكسره ...و أبو الأكبر يشوف و يسجب  العبره يـبـو  الأكبر إبويه إعليه شيصبره ...أريد إبلهفته إيضمني على  صدره نـسـانـي  مـا أظـن مـسلم نساني...لون سالم إبويه إبساع  إجاني بــجــه عـمـهـا... عـلـى هـمـهـا... يـنـاشـدهـا رحــت  عــنــهــا...كــثـر  ونـهـا...يـوالـدهـا يـتـامـه  إثـنين إلك ما تسأل إعليهم...يتامه و ضيعوا وين  اليدليهم و لا شـخصك و لا حيدر وصل ليهم...يمسلم من بده الحارث  يأديهم لـون قـلـبـه حجر حن البواجيهم...ذبحهم ما حسب فزعة  أهاليهم نـظـرهم ظل عله الكوفه نظرهم...و حميده إشلون من سمعت  خبرهم مـصـيـبـتـهـا...  عـلـه إخـوتـهـا...  تـسـاعـدهـا رحــت  عــنــهــا...كــثـر  ونـهـا...يـوالـدهـا كـرامـه  لـلـيـمـوت إندفنوا إبهمه...علامه لليزوره ينكتب  إسمه عجب مسلم يظل إبلا دفن جسمه ...و يعرفون الأسد حامي الحمه  عمه عرف هذا المصاب و ناح أبو اليمه ...حميده ابها الأمر حست و إجت يمه نـدامـه فـرقـت الـوالـد ندامه ...قمت تمسح على راسي  علامه جـرح  يـلـجـم... بـعـد مـسـلـم... بـقـه  إشـعـدها رحــت  عــنــهــا...كــثـر  ونـهـا...يـوالـدهـا إبـن عمك يمسلم لو شفت وضعه ...بلا ناصر بقه و كل إخوته  صرعه إجـت زيـنـب تريد إتشوفه و إتودعه...يشتمها الشمر بس محد  يمنعه حـبـيـبـك  عالأرض نايم يهل دمعه...يمسلم بالشدايد ساعة الفزعه غـريـبـه  صـارت الـحره غريبه ...مصيبه و يا عظم هاي  المصيبه نــخــت حــيـدر ...و لا يـحـضـر... يـسـاعـدهـا رحــت  عــنــهــا...كــثـر  ونـهـا...يـوالـدهـا يـمـسـلم مرت الهزل عله الكوفه...شفت زينب أكيد و هيه  مجتوفه يـمسلم عالرمح راس الإخو إتشوفه...نعذره المنذبح و الطاحن  إجفوفه إجـت  تسأل حميده و بالقلب خوفه...أظن تدري عليك إهوايه  ملهوفه أمـيـره مـو جـنـت بيكم أميره ...أسيره إعله الهزل جيتك  أسيره إجــت  يـمـك ...شـفـت خـصـمـك...  يـقـيـدهـا رحــت  عــنــهــا...كــثـر  ونـهـا...يـوالـدهـا